Chomage en Tunisie

Le dernier article de Olfa youssef

أحيانا تمرّ بذهني أفكار هي أقرب إلى الخواطر منها إلى الأفكار المنظّمة. ولمّا كان هذا الفضاء مجالا لأهرب من المنهج الأكاديمي المقنّن والمنظّم فإنّي أسمح لنفسي أحيانا بأن أشاطركم في هذه الخواطر. قرأت في إحدى الصحف عن العدد الكبير من الشباب العاطل عن العمل لأسباب كثيرة.

ولن أستعمل اللغة الخشبية لأتحدث عن مجهودات فلان وعلاّن من أجل توفير مواطن الشغل وأشكر وأمجّد، وفي الآن نفسه لن أستعمل اللغة الشعاراتية لأشتم وأسبّ وأدّعي أنه لولا فلان وعلاّن لكان كلّ شباب بلادي يشتغلون. ولكنّي أردت أن أسأل نفسي سؤالا سطحيا فرض نفسه عليّ. إذا كنّا جميعا ندّعي اهتمامنا بمسألة البطالة على أساس أن الشغل وجه من وجوه الكرامة النفسية والمادّية فهل يمكن أن نساهم في حلّ المشكل المادّي لبعض الشباب بتوفير منحة بطالة لبعضهم على الأقل في السنوات الأولى من بطالتهم .

وسألت الفقيرة إلى ربّها تعالى ألفة يوسف: لو عُرض عليك أن تدفعي نسبة من مرتّبك الشهري بمعدّل بسيط 5 بالمائة مثلا للمساهمة في مؤسسة تعنى بتوزيع منح مادية رمزية على العاطلين عن العمل لمدّة معيّنة, فهل تقبلين؟ فاجأني تردّدي...هل هو بخل أم خوف من الالتزام؟ هل نفسي تتعلّل بعدم تعويد الناس على منح "سهلة" ومال "مجاني" لكي لا تلتزم بعطاء دوريّ؟

ألا يكون هذا الإجراء محاولة لحفظ كرامة بعض العاطلين من شبابنا فلماذا أتردّد؟ لا أرفض قطعا ولكن أفكّر في المسألة...وأسألكم هل هذه الفكرة خاطرة ساذجة غبية أم هل يمكن أن تكون منطلقا للتفكير في مؤسسة فعليّة للإحاطة ببعض شباب تونس؟؟؟

Mis à jour il y a 4 heures · Commenter · J'aime · Signaler cet article
Hamadi Ben Said et 16 autres personnes aiment ça.
Afficher 21 commentaires de plus...


Olfa Youssef, à 22:25 le 15 juillet
@ Walid, on peut y réfléchir, peut-être même contrôler...Si on n'a confiance en une personne(physique ou morale), on ne peut rien faire. Mais c'est vrai que la confusion du politique de propagande avec l'économique avec le social et le manque de confiance sont la base de notre réticence vis à vis de ce genre de démarches qui peuvent aider l'autre...


Johnny Walked, à 22:28 le 15 juillet
ou aider l'autre.non à l'encourager dans sa"plaisance"au chomage. parce que ya ça aussi.


 
Zied Tarek, à 22:51 le 15 juillet
يا مدام الفه هذا النظام معمول بيه في بلجيكا فكل من يشتغلون مفروض عليهم ضريبه 50 % موش 5 % فقط . 

لكن لازم نعرفوا زاده انو المرتبات متناسبه مع مستوى العيش فتجد الموطف العادي ياخو 1500 اورو لكن في الورقه متاع الخلاص تلقى 3000 اورو سلسله من الضرائب لكي تصل في الاخير الى النصف هو ما يدخل جيبك . 

الحل حسب رايي يا مدام الفه هو محاربة التكركير في عقلية العامل التونسي مهما كان مركزو فالانتاجيه متاع التونسي مقارنة بانتاجية بقية العمال ضعيفه جدا . 

و زيد مشكله اخرى هي استشراء المحسوبيه .


 
Zied Tarek, à 22:56 le 15 juillet
لازم بيروات الشغل يكون فيها التشغيل علا اساس الكفاءه موش علا اساس بوه فلاه و جد خالة بوه علان و لازم برشا مسامر مصدده هنا و هناك تتنحى بش نفسحو المجال للشباب انو يخدم و يبدع موش نقتلو فيه الابداع و نعيشوه في دوامة الفقر و البطاله . 

موضوع طياره يا مدام طرحتيه بكل جرأة و بدون خشب او معارضه عدميه برافو مدام .


Hajer Rabei, à 22:59 le 15 juillet
Voila c'est ce que je voulais dire, الحل حسب رايي يا مدام الفه هو محاربة التكركير في عقلية العامل التونسي 
Si nous voulons faire comme d'autres pays (la France, la belgique ....) en donnant une allocation de chomage, on devra voir aussi que les jeunes étudiants en allemagne ou en france ou jeunes diplomés acceptent les petits jobs (serveur, ou agent dans un cybercafé, ou agent dans un centre d'appel), ce sont des debrouillards et n'acceptent pas le "étudiant et preds l'argent de poche " ....alors que nous voulons un bureau directement quand on on décroche sa maitrise (ou license maintenant). Et face à la réalité, on entend depuis ces dernières années "esh ta3mel beha la9raya, ti ahawkom maitrisard w battal !" ... c'est toute une mentalité à changer.


 
Zied Tarek, à 23:00 le 15 juillet
قال لي صديق في شهاده انا عندي الثقه فيها 

انو مدير من المديرين فرض علا المؤسسة انتداب قريب له و الوظيفه المقترحه تستلزم انو يكون عندو رخصة سياقه لكن صاحبنا ما عندو كان وجه ربي و رغم ذلك فرضه فرضا و زاد من فوق جلب قريب آخر عندو رخصه سياقه بش يسوق بصاحبنا بينما شباب باك +4 عندو رخصة سياقه وقع رفض مطالبهم و المؤسسة حكوميه و لا داعي لذكر اسماء باش ما تصيرليش مشاكل .


Rzouga Bacem, à 23:02 le 15 juillet
L'idée n'est pas nouvelle, mais aucun n'a et n'aurai le courage nécessaire pour l'appliquer. le discours officiel refuse même de parler du chômage, il ne parle que d'insertion professionnelle, de crise cyclique de l'embauche et même de jeunes qui ne veulent pas travailler, mais jamais du chômage, donc comment voulez vous qu'il feront un jour une caisse de chômage? Et en fin de compte, il n'y a rien qui peut les pousser à adopter un tel projet tant que les chomeurs n'ont pas un cadre pour les défendre. Donc n'ayez pas peur pour votre salaire, rien ne se passera....


 
Zied Tarek, à 23:05 le 15 juillet
ما عناش شفافيه للاسف و النقابات مخترقه من ناس ما عندها كان اللغه الخشبيه و القفه بش توصل للي هي فيه . 

الفساد و المحسوبيه سوسة تنخر في جسد المجتمع ، المشكله صعوبة هكذا قضايا و الناس الفاسده زروس موش ساهل انك تشد عليها دليل . 

فللمشكله ابعاد اكبر من تقديم 5 % من المرتبات للبطاله .


 
Zied Tarek, à 23:10 le 15 juillet
نفضل تشجيع الشباب علا المبادره الفرديه و توفير قروض ميسره ليهم احسن من تعطيهم مرتبات . 

لازم تولي المبادره الفرديه ثقافة مجتمع و شي يثلج الصدر انك تشوف شاب قرقني عمرو 23 سنه طلع الغاز من الطحالب و كفا ء ات تونسيه في التكنولوجيا الحديثه تخدم في محاضن المؤسسات و تعمل في مواقع عل الانترنت و تجاره الكترونيه . 

الدوله قايمه بمجهود جبار في هذا الاطار لكن كالعاده وقع تسجيل الكثير من حالات سرقة افكار المشاريع . الهند مثلا فيها مئة الف مبرمج برامج كمبيوتر يخدمو مع ميكروسوفت و غيرها لازم نراهنو علا ذكاء شعبنا و نشجعو الطاقات الكامنه في الشباب نصف اقتصاد فنلدا يجي من شركة نوكيا و ثلث اقتصاد ايسلندا من برمجية سكايب .


Rzouga Bacem, à 23:11 le 15 juillet
johnny walked......croyez vous qu'il y a en Tunisie maintenant quelqu'un de "normal" qui veut rester au ch..

Read more...

جميع الحقوق محفوظه حصريا لسهام بن سدرين

Mme Sihem a écrit un article dénonçant la censure exercé sur elle dans le groupe anti censure de ayech


Vous comprendrez que je n’ai pas beaucoup apprécié ces méthodes peu élégantes et pas très éloignées de ceux que monsieur Ayech prétend combattre.

Pratiquer la censure au sein d’un groupe qui mène campagne pour l’éliminer est très décevant ; sans parler que cela met en cause la crédibilité et la sincérité de son animateur qui écrit quelques jours plus tôt « nous n'avons pas honte d'appeler au respect de notre liberté d'expression» !

Faudrait-il y ajouter « à condition que je sois d’accord avec son contenu » pour donner sens à ses paroles?

Ajouter à cela le mensonge (sur la dissolution du groupe) est un manque de loyauté dont il aurait pu se passer.




في قضايا المطالبه بالحريه و الوقوف في وجه الصنصره

جميع الحقوق محفوظه حصريا لسهام


اضحكني نبار عندما علق قائلا


موش مشكل

. أختك سهام عندها مدة لا وقفها بوليس سيركولاسيون كيف حرقت ستوب، لا روحت من فواياج وديوانيّة بشلطة حبّت تفركسها..

جات عندك إنت المرة هاذي، تكبر وتنسى

باهي برشة كيف ما طلعتش في الجزيرة مباشر وأعلنت إلّي فما مدون مسمي روحو عايش ملمرسى وهو في الأصل قرايدي مندس يضرب في الحركة التحررية إلّي تمثلها هي

أما كيف تجي للصحيح، راك غالط وما كاركش يا العايش... ما قريتش هاك المقدمة إلّي عملتها المدام باش "تحط الأمور في نصابها"؟؟؟

"la censure sur le Net est au cœur de mon combat depuis plusieurs années"

المطالبة بإلغاء الحجب هو مارك ديبوزي متاع لاّ سهام "دوبوي بلوزيور زانّي"،
depuis plusieurs années loooooooooooooooooooooooooooooooooooooool

MDR

وانت جاي اليوم من تالي وتحب تعمل فيها بطل وعامل قروب وهيلولة؟؟؟

معناها كبار الحومة مازالوا عايشين، وإنت تحب تقيم في جد بوها الآذان؟؟؟

ماو تتفضل تاخو نومرو وتشدّ الصف وتحترم الهييارشي متاع النضال

contre la censure

زعمه هل سهام بن سدرين و بعد 30 سنه من النضال

هل هي قادره علا ان تعمل حمله ضد الحجب مثل التي عملها عياش هذا المدون باسم مستعار ،؟

و لماذا ؟

للذين يقولون انو الشعب التونسي يخاف من هكذا حملات لماذا نجح عياش و من تونس في ادارة حمله الكترونيه بهذا الحجم

لازم نعترفو انو اللوقو متاع الحجب مس اكثر من مليون شخص عبر العالم لانهم تسائلوا عن ماهية 404 ؛

انا جاوبت عن عشر رسايل في هذا الصدد

لماذا نجح عياش و فشل جميع الحقوقيين الذين يقولون انهم يستندون لرغبه شعبيه في مطالبتهم و تكلمهم باسم الشعب التونسي .

لماذا نجحت شخصيه وهميه اسمها عياش و فشلت الملايين التي تصرف من قطر و من روبار مينار ...

زعمه قدش صور عياش في هذه الحمله ؟ ما نتصورش انو الحمله هاذي تصرفت عليها فلوس اصلا .

حمله شعبيه بحق لازم زاده نعترف انو وقع احترام رايي فيها و لم اتعرض لحجب كلامي الذي يطالب بالمناشده عوض الاحتجاج الصاخب

http://www.facebook.com/group.php?gid=98439300905

Merci encore une fois ayech pour les efforts que tu as fourni pour réclamer nos droits .

نحب نذكركم زاده انو حملات مشابهه سابقا كان مصييرها الفشل مثل 4 نوفمبر متاع الاستاذه لينا بن مهني و بسام ياهو ، لماذا و كيف نجح عياش حيث فشل الجميع ؟

هذا ما سنعود له بالدرس في تدوينه قادمه باذن الله فظاهرة العياش تستحق ان نسلط عليها المجهر .

Rédigé il y a 27 minutes · Commenter · J'aimeJe n'aime plus

Vous aimez.

Ayech Mel Marsa, à 09:42 le 13 juillet

Je n'ai fait que mon devoir, en essayant vraiment ma vision des choses, et je dois dire que ça a marché. Maintenant le plus important c'est d'éviter les conflits inutiles, d'évoluer tous ensemble vers un militantisme intelligent, et de lutter ! :)

Read more...

المدونين اللي كتبو عن المثليه الجنسييه

في نفس سياق المقال السابق و بعد ان استعرضنا كلام السيده بشرى ،
في انترفيو المغاربيه

هذا برينت سكرين لكلام استاذه جامعيه قالته في محادثه خاصه اترك لها حرية الكشف عن هويتها او خفاءها

ومن بين المدونين اللي كتبو عن المثليه الجنسيه عياش من المرسى و سي طارق شنيتي ا


و سي طارق حقيقة مفخره لتونس باعتبارو من الادمغه المهاجره و متخرج من جامعة اكسفورد البريطانيه العريقه

و قد قال الاستاذ طارق شنيتي في هذا الاطار

الموضوع هذا لتوّا مافهمت علاش أحنا التوانسة عندنا معاه مشكل وعلاش ما فيه كان زوز آراء برك: واحد سعودي (يجيك في صيغة دغمائية و فتاوي لوكان 'الحد يتقام' على امّاليها خير) ولآخر فرنساوي (كيف كيف الكلّو نظريّات قمعية منطلقاتها لِمّ الشمل وأقضي على جميع مظاهرالإختلاف ترتاح). وقتاش بربّي نراو نقاش مراجعو تونسية بحتة والكلام فيه بالدارجة؟ وعلاش المثلية اليوم قاعدة تسبب في قلق نفسي وإجتماعي بالنسبة لبرشة توانسة بالرغم إلّي ما فمّة حتّى شي يدل أنّو العباد هاذم كانو مُضطهدين في بلادنا ومجتمعنا 'المُحافظ' في أي وقت مالأوقات؟

يلزمنا نتذكروا إلّي المثلية ماولات مشكلة إلا في أوروبا. الهنود والفرس في طمبكهم و الحضارات الشرقية بصيفة عامة كانت تقبلها وتعبّر عليها عفويّا في الكتيبة والتصاور على خاطرها كانت جزء من ديناميكية المجتمع. وقتلّي إنهارت الحضارات هاذي والحركات الإستعمارية بدات تتوسّع تبدّلت المرجعيات والمبادئ الفيكتورية غلبت وانعكست عالقوانين، ولاو الأقليّات أكثر بروز و التركيز عليهم كثر. الشي هذا شجّع على انتهاك حرمة الناس هاذم بحبسهم أو حرقهم أو إجراء تجارب مخبرية عليهم كي الفيران على أساس أنّهم مهبّلة أو مُرضى أو كُفار. من بعد بدات الريتوريك متاع حقوق الإنسان تظهر في الغرب و الغرض منها كان التطهّر مالماضي وطيّ الصفحة هاذي وغيرها مالصفحات السوداء. دايور حتّى لتوّا القارّة المستنيرة مازالت معقّدة ياسر مالمسألة هاذي: في كل مدينة لازم تلقى حبس في الهواء الطلق إسمو حي المثليين، حي الشنوة، حي العرب، حي الأفارقة، حي المومسات. يطبّقوا في قاعدة أقل ما يقال عنها إنها عنصرية: آه إنتي أقلية؟ أيّا مالا برّه عيش مع الناس إلّي كيفك في ڨيتو وهانا عملنالك قانون على قياسك آش تحب آخر
.
تكتل الأقليات وفصلها عن آليّات المجتمع بتشريعات خاصة حاجة مخطرة ياسر ومن شأنها تزيد من معاناة الناس هاذم رغم إلّي فهّموهم العكس. هاكا علاش وقتلّي نرى مدونة متاع مثليين توانسة يهزوا في علم ملوّن يحوّل العينين ويقولوا رانا طُموحنا نعملوا 'ڨاي برايد' في شارع الحبيب بورقيبة باش الناس تعترف بوجودنا (تتفكّروا الخوضة والتزعبين متاع أعضاء تن.بلوغ عالحكاية هاذي وهاو هذا خرج هذا دخل قال شنوّا تشوكاو؟) نتمنّاهم يفهموا إلّي ماهيش هاذي الحرّية. موش المطلوب أنّك تحط طاولة وكراسي وتخلق فكرة إنّك كائن غريب يلزموا يتشاف بمكبّرة و سلوكو يتحلّل ويتناقش. المجتمع الحر إلّي يلزمك تطمحلوا هو إلّي الناس تتعامل فيه معاك من غير ما تخمم فيك مثلي أو مغاير أو غني أو فقير أو بلدي أو نازح أو مرا أو راجل أو متديّن أو ملحد أو ولد فلان أو خو فلتان. تخمم إلّي إنتي إنسان آكاهو، مواطن آكاهو، ولد أو بنت بلادي وعندك فيها بالضبط ما عند الناس الأخرين وإلّي عجبو. هنا وين الآكتيفيزم بالحق مطلوب ولوكان التوانسة الكل نفهموه الشي هذا آتاوا تتحل برشة من مشاكلنا (ب(بما فيها تعاملنا العنصري مع السود - موضوع آخر ينرفزني ياسر)ر

أمنيتي في الدنيا نتخلاو للأبد في البلاد هاذي عن المرجعيات إلّي تفرضت علينا بحكم ظلم التاريخ والجغرافيا. أمنيتي تتنحى القوانين الكل ويقعد قانون برك يتطبّق عالناس الكل إسمو حماية الذات البشرية، حماية الفرد من قمع المجموعة... وقتها بالحق آتاوا توفى التابوهات والنفاق والكراهية في ما بيناتنا ونولّيو دولة حُرّة مستقلة بالفم والملا.


و قال زعيم المدونين عياش مل المرسى


http://3ayechmelmarsa.blogspot.com/2008/06/blog-post_28.html

ولاية كاليفورنيا، لي الأمريكان يعيطولها "كالي" عرفت مؤخرا حدث عمل حس في الإعلام، و هوتشريع الزواج المثلي .. و الحدث هذا جاي قد قد مع بداية احتفالات "القاي برايد" و هي احتفالات كالكرنفال يعملوها برشة مثليين جنسيين عبر العالم و يتلمّوا و يضحكوا و يغنيوا و يعملوا استعراضات إلى آخره... و بالطبيعة كل ما نشوف حدث هكة يرمز للحرية في الغرب ما انجمش ما نتذكرش بلادي تونس بلاد القانون.. و حديثا عن القانون، نقعد باهت آنا كيفاش عام 2008 دولة تعتبر روحها متوجهة للتطور مازالت تعتبر المثلية الجنسية مخالفة للقانون و تعاقب بالسجن.. معنتها كانك راجل تحب الرجال ولّا مرا تحب النسا ولاّ تلعب عالجيهتين لازم تدخل للحبس ولاّ تصرف بدّل روحك ولاّ تخبى ولاّ اكذب و عرس باش تستر روحك.

. تو معقول توّا نحكموا عالناس من توجهاتهم الجنسية؟؟ شفتو وين تظهر أهمية العلمانية و الفرق معا دولة تاخذ قانونها من تعاليم دينية أكل عليها الدهر و شرب؟ باهي خلينا نكونو واضحين ساعة، راني ما نحب كان النسا و ما ثمة كان الأنثى لي تحيرلي مشاعري، أما برجولية، لي عندو ذوق آخر علاش يتحرم منو؟ ديما نقولو نحنا أهون، خاتر مازالو بلدان إلى اليوم يحاكموا نوفل بالإعدام، و حسب رايكم شكون الدول هاذي؟ السعودية و إيران و اليمن و السودان و موريتانيا.. شاءت الصدفة باش يكونوا الكل مسلمين.. أما باقي يا خويا.. أنا ما قلتش نخليوهم يعرسوا في تونس، أما عالأقل تتنحى العقوبات خاتر دولة مدنية ما تغزرش للحياة الجنسية متاع مواطنيها، كيف ما تغزرش لدينهم ولاّ ولايتهم ولاّ توجهاتهم السياسية.. شوفو الخريطة هاذي تو تفهموا


لاحظوا كيفاش اللونين البرتقالي و البني مركزين وين الفقر و الجهل.. مش الخريطة هاذي دليل على أنّو كل ما مجتمع يتقدم كل ما يقبل الأقليات لي فيه؟ ياخي شنوّا يضرنا كي زوز عباد يحبوا بعضهم و يمارسوا الجنس باتفاق الطرفين و هوما في دارهم؟

يجمع المحللون النفسيون أن كره العلاقات الجنسية المثلية ليس كرها حقيقيا بل خوفا، و أن "الهوموفوبيا" ليست إلاّ مثلية جنسية مكبوتة.. و بالطبيعة نزيدوا نحنا على هذا ديننا الحنيف الذي أمر بقتل كل من تجرأ و خرج عن "طبيعة الأشياء".. هه ساعات نقول بالحق لعباد ما تخممش، ياخي ما نعرفوش لكلنا إلي المثلية الجنسية بدات معا بداية الإنسانية؟ تي انا متأكد الّي رجال الكهوف كان فيهم نوافل.. شنوة المشكلة ياخي؟ تعتبروها حاجة مش طبيعية؟؟ ياخي؟؟ حتى الفلاحة و الزواج ماهيش حاجات طبيعية فينا، مش معنتها نمنعوها.. و ثمة ناس يؤمنوا فعلا أن المثلية الجنسية مرض و أن المثليين (كيف اللادينيين) عباد ناقصة و لازم تداوي روحها.. فيبالكم لي ليوناردو دافنشي مثلي ولاّ؟ قولولي ناقص حتى هو.. حتى أبو نواس و ما أدراك كان معروف بحبّو لغلامو، و برتران دولانوا كان تعرفوه أعلن في فرنسا الجنسانية متاعو و حبو للرجال و هاو توا مرشح نفسو لرئاسة الحزب الإشتراكي و يجي فالتلفزة و يخطب و كل شي..مريض زادة؟



أيا يا توانسا كان تحبّوا تتحرّوا مالإستبداد، افهموا ساعة شمعنتها الحرية و احترام الإختلافات العرقية و الدينية و السياسية و الجنسية، تشبعوا بالحق بمبادئ النور و التسامح و قبول الآخر و مبعد طالبوا بيها حريتكم

Read more...

ملا ذكريات

بمناسبة الذكرى السنوية الأولى لتأسيس المدونة العزيزة متاعي صوت التونسي ،
http://tnvoice.tk
قعدت باهت في الشاشة متاع الكمبيوتر

و

مرت صور الذكريات أمامي و مره ابتسم

و مره نتنرفز هههه ،

ملا ذكريات ،

برشا عباد يستغربو و يكلموني عل الخاص و بالبريد الالكتروني يحبو يعرفو المزيد عني فما شكون يسب و فما شكون يشجع لكن الجميع يريدون أن يعرفون لماذا ؟؟

ما الذي يدفعني للتدوين دفعا ؟

لماذا أقول ما أقول ؟ هل أنا مختل عقليا ؟ عبر هذه ألتدوينه نحب نحكيلكم الحكاية من البداية حكاية هذه المدونة التي سجلت أرقام قياسيه في الدخول إليها وهي اكبر مدونه تونسيه غير منضوية تحت موقع تن بلوغز
HTTP://www.tnblogs.tn
و رغم ذلك فهي الأكبر و الدليل الإحصائيات الموجودة فيها ،
نرجع عام التالي و كما هو موجود في المقالات الأولى لم أكن قادر علا كتابة سطرين علا بعضهم و كنت اشعر بالخوف هههه لم أكن انوي أن اكتب في موضوع معين .
الفكرة الاساسيه الأولى التي تتمحور حولها المدونة هي نشر ثقافة الحق في الاختلاف و محاربة الانغلاق الديني كانت المدونة مجرد ورقه كتبت فيها قوانين الحوار في غرفه صوتيه و لم يكن في نيتي لا كتابة 4 مقالات في اليوم كل ما أردته هو الضحك و السخرية ، لا احد حرجا في آن اعترف لكم أن هدفي كان الضحك و ما العيب في ذلك . فالانترنت أصلا وسيله من وسائل الترفيه و تمضية الوقت …..السخرية ممن ؟ و لماذا ، السخرية من التقاليد الباليه ، السخرية من المنافقين و من الكذبة من الرجعيين من المتخلفين و الظلاميين . أما لماذا السخرية ؟ فلأنني احتقرهم جميعا فهم من دمروا حياتي،
ثمانون بالمايه من الرجال في تونس مازالوا يعتبرون جسد زوجاتهم و أخواتهم شرفا و يصرون على بكارة الزوجة في حين يطلقون العنان لرغباتهم مع من هم في داخلهم يحتقرهن ، فهل هناك نفاق اكبر من هذا النفاق ؟
ثمانون في المايه من التوانسه يريدون أن تتحسن الأوضاع في بلادهم في حين أنهم لا يتورعون على استغلال معارفهم و أكتافهم لكي يصلوا لقضاء حوائجهم من الصغيرة للكبيرة . لدرجه أن المحسوبية و الفساد انتشرت و أصبحت ظاهره واضحة للعيان !!
ثمانين في المايه من التوانسه يتذمرون ليلا نهارا من غلاء المعيشة يتذمرون من كل شي تقريبا من الاداره و عقلية ارجع غدوه لكنهم يرفضون أن يتكلمون أو يتحركون لإصلاح أوضاعهم .
اسخر من كل هذا من واقعنا المؤلم ، المدونة متاعي ليست للسخرية من مقدسات المسلمين ، أو السخرية من الأديان ، بل من حقي نقد التراث ، و السخرية من كلام البخاري و مسلم هو نقد للتراث من اجل تنقيته فهذا التراث هو المسئول عن العقلية التي ذكرتها آنفا .

بعد عام

الدرس اللي تعلمتو هو أني
لازم ما نحكيش عن رايي في اسراييل لاني قد اتهم اني صهيوني
و لازم ما نحكيش عن الاسلام كي لا اتهم بالاساءه لمحمد
و لازم ما نحكيش في السياسة باش المعارضه ما تعتبرنيش بوليس سياسي او كلب حراسه ههههه كما نعتتنت دكتوره جامعيه لا داعي لذكر اسمها كي لا تغضب ايظا
و لازمني ما ننقدش تصرفات الحكومة لكي لا أصنف كالمعارض المتخفي
و لازم ما نشكرش الترجي بش الإفريقي ما يتغشوش

اووووووووف ملا جبانه ، نمشي ندفن روحي خير هههه
الحداثيين يقولوا احنا يهددوا فينا الإرهابيين و الإرهابيين يقولو احنا يمنعوا فينا من التعبير عن رأينا هذا ان صح نعتهم بالإرهابيين طبعا فهم يصنفون أنفسهم كمحافظين او متدينين ههههه
مشكله بصراحة شنوه رأيكم ؟
متى يتعلم الناس ان يتناقشوا بشكل حضاري بدون سب او قذف بدون تهديد ؟

و ماهي الخطوط الحمر ؟

من بين الأسباب التي دفعتني لتقليل حضوري عل الفايسبوك هو اني حسيت نفسي في فتره ما إنسان يشوه في صورة العلمانيين في تونس حسيت روحي كالمتطرف الملحد علا طرف النقيض لذلك المتطرف الاسلاموي :(

Read more...

ان لم تستحي فافعل ما شئت يا براهم

يعرف الجميع انني عندما اتوجه بالنقد لشخص ما ادعوه للدفاع عن نفسه

لكن ابو جهل كتب مقالا مؤخرا نقل فيه كلامي و علق عليه الاساتذه الكرام طارق الكحلاوي و سامي براهم بطريقة تقشعر منها الابدان و لم يعطيني الفرصة للدفاع عن نفسي او الرد عن التهم التي قالوها ،

قال الكحلاوي كثرلها الطفل هذايا كانو الفايسبوك ملك السيد الوالد و قال انه مسحني من القائمة لاني انقل كلام اصدقائي و انقده و شوف ازدواجية المعايير هو قاعد يعلق على نفس النوعيه من التدوينات .

اقول للسيد الكحلاوي


لا تنهى عن خلق وتأتي مثله ** عار عليك إذا فعلت عظيم


اما السيد
الدكتور سامي براهم أستاذ الحضارة العربية بالجامعة التونسية

فقد ادعى ان هويتي الحقيقيه هي اخ الدكتوره الفه يوسف وهو يعرف جيدا ان الكشف عن هويتي الحقيقيه فيه مخاطره حقيقيه فقد وقع تهديدي هنا

http://www.facebook.com/video/video.php?v=1098355345528

لماذا لم يكلف الاستاذ براهم نفسه و يتصل على الاقل بزميلته و يتأكد من هذا الكلام قبل نشره على الفايسبوك اما زايد الخوانجي يبقى خوانجي و متطرف و خامج و حجز جواز سفره شويه مكان الخوانجي الطبيعي هو السجن مهما تظاهر انه معتدل .

زعمه مانجمش نكتب انا زاده مقال في العرب القطريه عن استاذ جامعي يقود مجموعة من الارهابيين في الفايسبوك ؟ مانجمش للاسف الشديد


ان لم تستحي فافعل ما شئت يا براهم


و قال تحت نفس المقال السيد قيزاني انني انا هو ابو لهب ههههه ، يعني مقال مهزله و تعليقات اكثر سخافه

متى يتعلم التوانسه انهم يناقشون الافكار و ليس الاشخاص متى يكفون عن ارهاب الفكر الحر ؛

الفه يوسف و امل قرامي و رجاء و غيرهن اساتذه و مكانتهم مرموقه في المجتمع لذلك يتضامن معهم الجميع و تحميهم النخبه

لكن انا و ابو لهب و تونسي و تونسيه لا يحمينا الا اسمنا المستعار فمن اراد ان يرد على افكارنا مرحبا به اما من يريد ارهابنا فليعلم اننا تخلصنا من عقد الخوف الميتافيزقيه الخوف من جهنم و الخوف من الله فهل مازال عندكم امل اننا نخاف منكم ؟ يا حثالة البشريه ؟

لكي اختم مقالي اذكركم بقوله تعالى


يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ " (الحجرات،
6)
.


لكن من الواضح ان آخر حاجه تهمهم هي القرآن الذي هو بالنسبه ليهم مجرد وسيله يستغلوها للعب على مشاعر العباد . سحقا لكم و لايديولوجيتكم الحقيره .

Read more...