نحب نحكي اليوم علا نوعيه من الملحدين اللي

نحب نحكي اليوم علا نوعيه من الملحدين اللي يناقشو في المتدينين بهذه الطريقه :

ملحد : القرآن عنيف و فيه آيات ارهاب

المتدين : لا لا هاذيكا صوره يحبو يروجوها عل الاسلام الاسلام متاعي متسامح و انت ملحد انا مسلم لا نقتلك لا
سبك انت حر انا مسلم اومن بالعلمانيه و بحقك في حرية المعتقد

الملحد : اما حريه يا ودي مفماش حريه في الاسلام كلو قتل و اساطير و خزعبلات

المتدين : ربي يسامحك الاسلام فيه برشا حاجات باهيه

الملحد : اما ربي متاعك ربي موش موجود اصلا اش تخرف

المتدين : انا نؤمن اللي ربي موجود و انت ما تمونش انت حر اما عيشك ما تسبش الرموز متاعي

الملحد : انت تكذب لا علماني لا شي انت مسلم قذر و ناوي بش تقتلني نعرفكم انا المسلمين كي تبدوا تكذبو فك عليك مل الاسلام و ايجا ولي كافر كيفي .

المتدين : لا ميسالش من حقك انك تعبر علا رايك اما علاش الاستفزاز ربي يهديك

الملحد : اصلا الاسلام مافيهش علمانيه و ما تركبش عليه العلمانيه .


موش لازم نكمل الحوار يظهرلي الفكره وضحت ،

نعرف اللي الملحدين يتعرضو لظغوطات كبير و رسايل تهديد و سب و يتعرضو لتهميش في المجتمع لكن هذا موش سبب كافي بش يخلينا نردو الصاع صاعين للمتدينين و نبولدو عليهم و نستفزوهم ؛

اذا قابلنا الاساءه بالاساءه متى تنتهي الاساءه


لازم نربحوا المسلمين المعتدلين في صفنا المسلمين اللي ماعندهمش مشكله مع الحادنا موش نزيدو نفروهم . لازم نشجعو المسلم انو يفكر و انو دينو موش خايب بالعكس ينجم يستحفط بدينو اذا كان هو عندو حاجات روحيه .




فكرة التدوينه
هاذي جاتني وقتلي قريت احتجاجات الملحدين على قوانين صفحة الدكتوره الفه يوسف و اعتبارهم منع اهانة المقدسات الاسلاميه استنقاص من حريتهم في نقد الدين ،

قد اصدمكم حينما اقول لكم انو هذه القوانين هي نفسها القوانين المعمول بها في منتدى العلمانيين العرب و في منتدى اللادينيين العرب و في الغرف الصوتيه التابعه ليهم و دعيت مدير للغرف الصوتيه للمقال هاذا ينجم يشهد اذا ما يراش مانع في كشف هويتو .

انا حسب رايي لا يجب نقد الدين بل نقد الفكر الديني و هذه روابط لندوات فكريه عملوها مفكرين كبار امثال غليون و التيزيني اسمعوها و شوفو رقي الحوار و كيفاش يكون نقد الفكر الديني .
/

للاسف كان من المفروض ان تسجل ندوه مع رجاء بن سلامه لكن لاسباب تقنيه الغيت .
Written 19 minutes ago · Comment · Like
Ismail Dbara likes this.


Ismail Dbaraهناك تطوّر ايجابي في أفكار زياد بن يوسف قبل 4 أشهر و زياد بن يوسف اليوم
هذه حقيقة تقال
أحسّ أنك أقل تطرفا من ذي قبل و الله أعلم
15 minutes ago · Delete


Zied Tarek Benyoussefعزيزي اسماعيل قبل 4 شهور كان حاتم بن صالح يهدد فيا

توا وصلت معاه لحل و اصبح على قايمة الاصدقاء متاعي ،

قبل 4 شهور كانت اميره مبارك تسب فيا و تنعتني بالصهيوني خاتر جيت ضد حماس في حرب غزه .

لم يعطوني فرصه للتعبير عن ارائي الحقيقيه .

البارح اميره قالت لي برافو ههههههه في مقال شاكر الشرفي .

لكن مافما حتى تغير ارجع لارشيف المدونه يا اسماعيل منذ جوان 2008 لن تجد فيها اي اهانه لمقدس اسلامي .