Kiss my ass Leche cul

Cette fable a été écrite par Ben krichen en arabe reprise par ben short et tunisifié par Ashour Ennaji et
commenté par moi

ذات صباح سمعت دقة على باب بيتي. لما فتحت الباب رأيت رجلا ملتحيا و قصير اللباس

تكلم الرجل فقال: السلام عليك، أنا اسمي هاشم. جيت نستدعي فيك تبوس معانا لطفي
أنا: شنوُّه ؟ لاباس يا سيّد ، شكونوا هاذا سي لطفي و فاش قام نبوسوه؟
هاشم: يا ولدي لمصلحتك ، يا تبوس و يعطيك مليار يا إمّا يكسّرلك وجهك
أنا: هكّا ، ها المافيا و ها الإبتزاز
هاشم: لا لا، لطفي غني و عنده مليارات و فاعل خير و هو الي بنى البلاد هاذي و هو يعمل إلّي يحب ما يحكم فيه حد ، هو يحبّك تبوس و يعطيك مليار
أنا: مش معقول. علاش لازم نبوس لطفي ، فاش قام ؟
هاشم : شكونك إنت باش ترفض هديّة لطفي ؟ ما تحبّش تربح مليار ؟ على بوسة صغيرة ماهي باش تكلّفك حتّى شيئ
أنا: باهي كان هذا موش مخالف للقانون
هاشم: صحّيت ، هيّا معانا تو نبوسو
أنا: استنّى إساعة، انتوما مستانسين تبوسولو فيها ديما ؟
هاشم: اينعم ديما
أنا: و عطاكم المليار ؟
هاشم: لا... ما مايعطيك الفلوس إلا ما تهج من ها البلاد
أنا: إيه عاد هج من أمها و أضرب المليار
هاشم: لا يلزم هو الي يقول لك ، كان تهج من راسك يكسّر لك خلقتك و ما تلك حتّى فرنك
أنا: باهي تعرفوشي شكون قالو هج و عطاه الفلوس ؟
هاشم: أمي باست لطفي توّه سنين و هجّت من ها البلاد عامناول و أنا متأكد الي هي دبّرت الفلوس
أنا: كلّمتها وتأكّدت منها أنّها خذات الفلوس ؟
هاشم: لا ، لطفي منبّه عليهم ما يتصلوش بينا بالكل
أنا: كيفاش تأكدت و إنت ما حكيت مع حد ؟
هاشم: ، شوف ، هو ساعات يعطيك حويجة حتّى قبل ما تهج من ها البلاد مثلا تلقى ورقة بتلاثين ألف مطيّشة في الشارع و إلا تربح بروموسبور .
أنا: و شمدخل لطفي في البروموسبور ؟
هاشم: لطفي عنده.. إتصالات
أنا: سامحني خويا الحكاية و قيل فيها حصّيلة
هاشم: يا ولدي راهو مليار ، تقمّر و تخسرو ؟ و فوق من هذا لطفي يكسّر لك وجهك
أنا: ممكن نشوف لطفي، نتكلم معاه، نآخذ التفاصيل مباشرةً منه
هاشم: مستحيل.. لطفي ما يشوف حد، ما يتكلم معاه حد
أنا: امّاله كيفاش تبوسولو في ترمته ؟
هاشم: ساعات ننفخوا بوسة و ننويوها و ساعات نبوسو جعفر و هو يوصّلهاله .
أنا: جعفر؟...شكونو هاذا سي جعفر ؟
هاشم: صاحبنا و معلمنا... هو الي علّم الناس الكل كيفاش يبوسو لطفي و ساعات يجي ياكل حذانا .
أنا: و انتوما كيفاش صدّقتو ها الحكاية البيدونة ، قال شنوّه واحد اسمه لطفي ما شافه حد يحبكم تبوسولو ترمتو ؟ ولطفي يعطيكم جايزة ؟ ممكن يكون جعفر هذا كذّاب؟
هاشم: لا، لا! جعفر عنده مكتوب من لطفي من سنين طويله وفيه يشرح للجميع.. هاي نسخة، شوف بنفسك

وقدم لي ورقه تشبه مذكرة المكتب وفيها قرأت
من مكتب جعفر
1. بوس ترمة لطفي وهو يعطيك مليون دولار لما تترك البلدة2 إشرب الخمر باعتدال
3 كسر وجوه الناس اللي مش مثلك4 كل الطعام بصورة صحيحة5 لطفي كتّب هذه القائمة بنفسه6 القمر من الجبنة البيضاء7 كل ما بيقول لطفي صحيح
8 إغسل إيديك بعد ما تخرج من المرحاض9 لا تشرب مشروبات فيها الخمر
10 كل الشوارما حاف على الخبز وبلا إضافات بدون هريسه


أنا: هاذي قبل كل شي أوراق خاصه بجعفر.شوف...مكتوب عليها مكتب جعفر؟
هاشم: لطفي نهارتها ما كانش عنده وراق ياخي استعمل وراق جعفر
أنا: أنا عندي إحساس كان نثبتوا توه نلقاوه خط جعفر زاده
هاشم: ابدًا مش ممكن، كتبه بيده و عطاه لجعفر وقت الي قابله
أنا: موكش قلت ما يشوفه حد لطفي؟
هاشم: مش توّه أما زمان بكري ، كان يتكلم مع ناس محظوظين و عندهم زهر
أنا: أنا في بالي قلت فاعل خير ، علاش يضرب الناس الي مختلفة معاه
هاشم: هذا آش يحب لطفي و لطفي ديما عنده الحق
أنا: كيفاش عرفت ؟
هاشم: فقرة 7 تقول "كل ما يقول لطفي صحيح". ما يزّيش هذا كدليل ؟
أنا: موش يمكن جعفر ألّف الحكاية الكل من راسه
هاشم: لا مستحيل أبدا .. فقرة 5 تقول "لطفي كتّب هذه القايمة نفسه"، وكذلك فقرة 2 تقول "إشرب الخمر باعتدال"، وفقرة 4 تقول "كل الطعام بصورة صحيحة"، وفقرة 8 تقول "إغسل إيديك بعد ما تخرج من المرحاض ". الناس الكل تعرف أن هاذي حاجات صحيحة فالباقي بالتالي لازم يكون صحيح. .
أنا: ايه لكن في فقره 9 يقول "لا تشرب مشروبات فيها الخمر"، وهذا ما يناقض فقرة 2، و-6 يقول "القمر من الجبنة البيضاء"، وهذا بالطبع غالط
هاشم: ما ثمّاش خلاف بين 9 و-2، 2 هو توضيح ل 9. أما فقرة 6، فهل انت طلعت للقمرة باش تعرف أنها موش جبنة و تحكم ؟
أنا: قد وجد العلماء بصورة أكيده إن القمر من الصخور
هاشم: هوما ما يعرفوش كان الصخر جاء من الكرة الأرضية او من الفضاء الخارجي، فيمكن يكون أصله من الجبنة البيضاء
أنا: أنا مش خبير، أما في بالي نظرية أن القمرة أصلها من الأرض طلعت موش صحيحة . وزياده على ذلك، العلماء لا يعرفون أن الجبنه ممكن ان تتحول الي صخر
هاشم: أها... شفت كيفاش إنت اعترفت ان العلماء يغلطوا أحيانًا ...و ما يعرفوش كل شيء، إحنا نعرف ان لطفي دايما على حق!
أنا: إحنا نعرف؟ منين؟
هاشم: طبعًا نعرف! فقرة 7 في القائمه تقول ذلك
أنا: إنت تقول ان لطفي ديما على حق على خاطر القائمة تقول هذا، والقائمة علي حق على خاطر لطفي كتّبها، وإحنا نعرف ان لطفي كتّبها على خاطر القائمة تقول هذا. وهذا برهان في دائره مفرغه، كاينك تقول ، "لطفي على الحق على خاطر هو يقول انه على الحق".


هاشم: هاك توه بديت تفهم ! عظيم جدا أن تنفتح عينيك عشان تشوف حق لطفي
أنا: ... آه، مش مهمّ... شنيّة حكاية الشاورما ؟
هاشم يحمرّ وجهه و يقول بغضب
هاشم: شوارما على خبز بلا إضافات. هذا ذوق لطفي. و كل ذوق آخر هو خطأ
أنا: واذا ماعنديش خبز؟
هاشم: ما ثماش خبز، ما ثماش شوارما. أكل الشوارما بلا خبز هو خطأ
أنا: بلا صوص؟ بلا هريسه؟
هاشم( منصدم)....آه مش معقول انت من اللي ياكلو الممنوعات..اسكت
انا: باهي بالنسبه للشوارما مع الحمص انا انحب الشوارما مع الحمص
هاشم( يصرخ)..: لا تستخدم كلمات مثل هذه من فضلك! كل الإضافات علي الشوارما.. هي خطأ!
أنا: فصحن حمّص مع شوارما قطع مثلا.. ممكن؟
هاشم يدخل أصابعه في أذنيه و يصيح


أنا ما نسمعش ها الكلام. لآلآلآلآلآه... شي يعيّف .. تاكل هذا الحمص مع شوارما انت ظالم و منحرف ...
أنا: راهوا بنين، أنا ناكل هكا كل يوم

هاشم : لو كنت عرفت إنت واحد ظالم و منحرف .. ، ما كنتش ضيّعت وقتي ماك نهارت الي لطفي يكسر لك وجهك أنا نبدى نعد في فلوسي و نضحك عليك هاني ماشي نبوس ترمة لطفي باش يطول بالو عليك وما يكسّر لكش و جهك، يا آكل الشوارما بحمص و بلا خبز

وبذلك توجه هاشم إلى سيارته وانصرف

En publiant cette histoire sur facebook peu de gens ont compris la finalité de l histoire ce qui montre bien la superficialité du la pensée religieuse.