ليبرالية ليبرالية نحبو حقنا ف الحرية.

قبل ما نسمي التدوينه هاذي بشعار الحزب الليبرالي المصري اللي عاملو شاب عمرو 24 سنه كنت سميت المقال افلاس نخبنا القانونيه تعليقا على مظاهرة المحامين التوانسه من اجل فلسطين اللي رفعو فيها 
شعار

شفاز حبيناك 2009 رشحناك 



,, طبعا نعرف اللي المحامين الافاضل متاعنا يفدلكو لانهم يعرفو القانون جيدا وهو استحالة وصول اجنبي غير مسلم للرئاسه في تونس لكن الشعار ماجاش من فراغ .

. و انا نقترح عل الحكومه متاعنا بما انو اصبحنا نتمتع بنسبه باهيه من الغباء لهذه الدرجه ممثلا في نخبه القانوننيه و الثقافيه انها لما تركح الحرب
تعمل سفاره لاسرائيل و لما اسرائيل تعمل عدوان عل لعرب نلقاو احنا شكون نطردو لول ..

و بالتالي ينتفي النقاش في جميع المسائل الاجتماعيه و الاقتصاديه في البلاد و يولي المقياس الانتخابي في 2009 و 2014 و 2019 و 2024 هو المرشح البطل اللي طرد سفير اسرائيل ههههههههه .


والله ياجماعه كنت نستنى في شعارات اكثر تقدميه عند محامينا الافاضل مثل 

ليبرالية ليبرالية نحبو حقنا ف الحرية. 

لكن ما راعني هو انو تلامذة المدارس بصراحه طلعو اقوى منهم عبر شعارات مثل 

غزه غزه و السبوعي يحب عزه 
برجوليه يعطيهم الصحه ريتو ثقافة الحب في معاهدنا الثانويه برافو

والا شعار
والله ماني ناسي و غزه في عينايا 
شعار جميل وقع اسقاطه من فيراج النادي الافريقي مما يشجع على قبول الهزيمه امام نادي جيش الدفاع الاسرائيلي .

بكل روح رياضيه

اي و نسيت لا دراسه و لا تعليم حتى نحرر فلسطين , تبارك الله تبارك الله , تي هما مدارس تل ابيب ما سكرتش رغم حالة الحرب